Opisyal na nga magbalik ha Pilipinas an global phenomenal pop group nga BTS para ha ira most-awaited “ARIRANG” World Tour nga pagbubuhaton ha Philippine Sports Stadium ha Bulacan ha Marso 13 ngan 14, 2027.
Gin anunsyo han local promoter nga Live Nation Philippines an nakaka-excite nga comeback tour han BTS nga ginbubug-os nira Jin, RM, J-hope, Jimin, Suga, V, ngan Jung Kook, nga sigurado nga magpapatuok ngan magpapalukso ha kalipay han kada Pinoy ARMY.
Mas exciting an concert yana nga tuig mahitungod nga magpe-perform an grupo gamit an usa nga 360-degree stage setup nga maghahatag ha fans hin mas immersive ngan mas haluag nga viewing experience.
Kadungan gihapon ha anunsyo an paggawas han official seat map, ngan fan perks nga mas nagpalipay ha mga ARMYs nga maiha naghulat ha pagbalik han grupo ha Pilipinas.
Ada ha ₱25,000 an VIP Soundcheck tickets, ₱20,000 para ha Floor Standing, ₱13,500 para ha Bleachers 1, ngan ₱7,500 naman para ha Bleachers 2.
Kaupod ha perks han VIP Soundcheck ticket holders an access ha pre-show soundcheck party, VIP laminate ngan lanyard, early entry, ngan timprano nga access ha merchandise, ngan exclusive VIP gift.
Para naman ha presale, kinahanglan mag-enroll anay an fans ha ARMY Membership Global ha Weverse Shop. Nagtikang na an registration dida han Mayo 22 ngan mag-iiha kutob Mayo 27 hiton alas-10 hiton gab-i.
An ARMY Membership Presale in nakatalaan ha Hunyo 9, alas-11 han aga, samtang an Live Nation Presale in ha Hunyo 10, alas-11 han aga.
Samtang, an general ticket selling in magtitikang ha Hunyo 11, alas-11 han aga pinaagi han Ticketmaster Philippines.
