Gin pamatud-an han 90-anyos nga lola ha Ohio, USA nga diri nakakaulang an edad agud makuha an world record title nga “oldest person to hold the dead hang position (female)”.
Gin kilala han Guinness World Records an kalamposan ni Ann Crile Esselstyn mahuman hiya bumitay ha usa nga pull-up bar ngan buhaton an kabug-aton han iya bug-os nga lawas ha sakob hin 2 minutes and 52 seconds.
An dead hang in usa na simple nga ehersisyo nga pagbitay ha usa nga pull-up bar samtang nakaunat hin bug-os an mga braso.
Gin perdi hini an anay record nga kapot han usa nga 81-anyos nga lola dida han 2024.
Nagtikang pag probar hi Ann ha pag-eehersisyo han dead hang kumo simple nga ayat tikang ha iya anak nga lalaki.
Pinaagi han padayon ngan masusi nga pagsasanay ha kinada-adlaw, hinay-hinay nga kumusog an iya mga kamot ngan lawas. Sumala kan Ann, an iya secret technique ha pagkakaada hin mabaskog nga kalawasan in an waray hunong nga pag gios ngan pag-eehersisyo.
