-- Advertisements --
TACLOBAN CITY–Ginpapahibaro han Department of Labor and Employment (DOLE) region 8, ha publiko nga magkakamayda hin usa ka-adlaw nga Job Fair 3rd floor Robinsons North Abucay ha maabot nga Disyembre 5, 2025.
Pagdudumaraon an nasabi nga aktibidad kumo pagselibrar han ika-92 nga Founding Anniversary han ahensya.
Sumala kan Norma Rei Costimiano, Information Office han DOLE Eastern Visayas, mayada na 17 nga mga partner corporations nga mayada mga bakante nga slots para ha mga naruruyag mag-apply, basar han ira social media page.
Nananawagan naman hi Costimiano, ha mga employer nga waray pa mag kompirma nga mapartisipar nga magbaton na ugsa an nakataan nga petsa Disyembre 1, 2025.
