INTERNATIONAL – Gin paplano han pangunahon nga opposition party han South Korea nga Democratic Party nga magduso hin impeachment proceedings kontra han SoKor President Yoon Suk-Yeol in kaso nga dire magbul-iw ha pwesto kahuman han madagmit nga deklarasyon han martial law ha nakalabay nga gab-i.
Ha usa nga pahayag, ginmalatumat han opposition party nga kun dire ngani magbul-iw ha pwesto hi Yoon in dayun hira nga magdudumara hin impeachment proceedings subay daw ha karuyag han mga residente han South Korea.
Subay ha koalisyon han mga magbabalaod tikang ha opposition parties plano nira nga magsalawad hin usa nga bill agud ig impeach hi Yoon nga pagbobotosan naman ha sulod han 72 kaoras o 3 kaadlaw.
Mahuman gudman an deklarasyon ni Yoon han Martial Law nga may panuyo nga depensaran an ira nasud tikang ha North Korea ngan pro-North anti-state forces ngan proteheran an ira malaya nga constitutional order in nagresulta ine hin kasamok ngan demonstrasyon kun diin an pira nga katawhan in sumaka pa ha parliament building pinaagi han pag-guba han bintana ngan makikit-an gihapon an mga nakapalibot nga military helicopter ha kalangitan.
