NATIONAL – Umubos ha 1.62 million an ihap han mga Pilipino nga waray trabaho ha Pilipinas dida han Hunyo han presente nga tuyig basar ha iginpagawas nga datos han Philippine Statistics Authority (PSA).
Ha usa nga press briefing, ginmalatumat ni National Statistician at PSA USec. Claire Dennis Mapa nga mas habubo ine kumpara ha nahipatik nga 2.11 milyon nga Pilipino nga waray trabaho dida han Mayo 2024 ngan 2.23 milyon dida naman han Hunyo 2023.
An ihap han mga waray trabaho dida han Hunyo in nagpapakita hin 3.1% nga unemployment rate dida han Hunyo nga mas habubo kun igkukumpra ha 4.1% nga nahipatik dida han Mayo ngan 4.5% nga nairehistro dida han Hunyo 2023.
Samtang, umupay naman an employment rate ha nasud dida han Hunyo nga humitaas ha 96%, mas hitaas hine ha nahipatik nga 95.9% dida han Mayo 2024, ngan 95.5% dida han Hunyo 2023.
Ha ihap han mga Pilipino nga may trabaho in ada ine ha 50.28 million dida han Hunyo 2024. Mas hitaas an nasabi nga ihap kumpara han ihap nga nahipatik dida han Mayo 2024 nga nakada la ha 48.87 million ngan 48.84 million naman dida han Hunyo 2023.
