METRO MANILA – Magigin kritikal an sitwasyon ha suplay han bugas ha nasud ha katapusan nga parte han tuig mahitungod ha pagsipa han presyo han produkto nga petrolyo.
Sumala kan Jayson Cainglet, Executive Director ng Samahang Industriya ng Agrikultura o SINAG, maswerte an mga parag-uma mahitungod nga nakag-harvest na an mga ini yana nga season ugsa bumuto an kasamok ha Middle East nga rason han paghitaas han presyo han petrolyo.
Pero sigurado nga ha ikaduha nga cropping season in maaapektaran na an mga parag-uma mahitungod nga tikang ha pagtanom kutob ha pag-harvest in nagamit hin makinarya an mga parag-uma.
Dugang pa hini an paghitaas han presyo han abono nga aada ha P1,500 ha usa nga bag, basar ha urhi nga monitoring han grupo.
Sanglit manginginahanglan hin kadugangan nga P15,000 nga pondo an mga parag-uma nga mayda usa kaektarya hin tuna mahitungod nga 10 la-bagas an kinahanglan hini.
Ada pa gihapon an bayad ha irigasuon ngan iba pa nga gastuson sanglit posible nga umabot gha P30,000 an kikinahanglanon nga ayuda han mga parag-uma.
Tikang ha anay gastos han mga parag-uma nga P60,000 kada ektarya in posible nga umabot ini yana ha P90,000 ngada ha P120,000.
Sanglit hangyo han SINAG nga buligan an mga parag-uma pinaagi ha paghahatag han goyerno hin fertilizer subsidy, cash voucher, ngan fuel subsidy agud sigurado nga makagtanom hin humay an mga parag-uma
Dugang pa hini, posible nga humitaas pa an presyo han bugas kun dire makakagtanom an mga parag-uma yana nga season nga maibabaligya ha katapusan nga kwarter han tuig.
