METRO MANILA – Nanawagan hi Senadora Imee Marcos ha gobyerno nga dayun magpatuman hin direkta nga government-to-government (G2G) oil procurement agud maibanan an epekto ha padayon nga paghitaas han presyo han lana ha world market.
Sumala ha senador, kinahanglan direkta nga pumalit an gobyerno han lana tikang ha mga nasud nga supplier ngan igbaligya ini ha kontrolado nga presyo agud makabulig ha mga sektor nga duro nga naiigo han oil price hikes, sugad han mga drayber, parag-uma, ngan paru-pangisda.
Duon ni Marcos, baga hin mahinay an baton han administrasyon ha krisis nga durot han tensyon ha butnga han Estados Unidos ngan Iran, nga padayon nga nagpapahitaas han presyo han lana ha world market.
Gin kwestyon gihapon hini kun kay ano waray singabuta han gobyerno an higayon nga makigsabtot ha Russia ha panahon han nagpapadayon nga sanctions waiver.
“Kung nagawa ng pribadong kumpanya tulad ng Petron Corporation na makakuha ng milyun-milyong bariles ng Russian crude, bakit hindi ito magawa ng pamahalaan?” sumala kan Marcos.
Ginbalikan gihapon han senador an kaagi han nasud dida han dekada 1970, kun diin nakigsabot an gobyerno ha iba nga nasud para ha direkta nga pag-angkat han lana ha mas hamubo nga presyo agud maibanan an epekto han oil shocks dida han 1974 ngan 1979.
“Kung nagawa noon, bakit hindi ngayon?” tanong niya.
Dugang pa ni Marcos, pira nga nasud ha Asya an presente nga agresibo nga nagiod agud masigurado an ira suplay han lana. Kalakip na dinhi an Indonesia, Sri Lanka, Vietnam, Thailand, ngan Malaysia nga nakikigsumpayan hi Russia ngan iba pa oil-exporting countries.
Igin suhestyon gihapon han senadora nga kinahanglan pag-adman han Pilipinas an estratehiya han iba nga oil-importing nations agud maibanan an epekto han posible nga pagka-delatar ha suplay, labi na ha mga ruta nga naagi ha Strait of Hormuz nga agsub maapektuhan han geopolitical tensions.
