TACLOBAN CITY –Ginpahibaro han grupo hiton mga motorista nga utro hira magsasalawad hin kasuratan kasumpay ha ira ginhahangyo ha Sangunian Panglungsod nga tagan hin iwag an ira ginhahangyo nga pahitas-an an pamasahe ha mga tricycle nga namamasada ha syudad.
Sumala kan Joseph Tangile, MCH president han Tacloban, nga utro hira nga magsasalawad hin resolusyon nga naghahangyo nga magkamayda hine fare increase ha mga motor nga nabiyahe, ilabi na yana nga nagtikang na an klase ha mga pampubliko nga eskwelahan ha syudad.
Dugang pa han mao nga opisyal, utro daw hira nga ginpapaghimo hin kasuratan han usa nga manbaralaod han syudad ngan ginpapa-pasa ine ha hintutuinan agud nga mahimay pinaagi hiton public hearing.
Ginmalatumat naman hine nga una na nga nagkamayda hin public hearing han nakalabay nga bulan han Abril, kasumpay ha ira gin-hahangyo nga dugang nga pamasahe pero matungod nga nagkamayda hin eleksyon pag-abot han bulan hiton Mayo, in waray ine katagi hin iwag an mao nga himangrawon.
Mababaruan nga madugay na nga araba han mga tricycle driver ha syudad nga magin P12.00 an ira minimum nga pamasahe.
