INTERNATIONAL – Posible nga utro madakop hi anay South Korean President Yoon Suk Yeol ha Miyerkules, Hulyo 9, 2025, ini in mahuman n nakatalaan nga hearing ha Seoul Central District Court agud paghisgutan an hangyo han mga special prosecutor nga utro dakpon an anay opisyal para ha mga kaso nga abuse of power ngan obstruction of justice.
Sumala ha korte, nga an hangyo in may kalabotan ha gintutu-ohan pagdeklarar ni Yoon hin martial law han nakalabay nga Disyembre 2024 ngan pagmando ha presidential guards nga pugngan an mga otoridad nga dakpon hiya dida han bulan han Enero.
Hi Yoon in temporary nga napriso hin 52 ka-adlaw, pero ginbuhi-an mahitungod ah teknikalidad ha proseso han iya pagkakadakop.
Labot la ha insurrection nga kaso, nga ha pagkayana in gin-aatubang niya, iimbestigaran pa gihapon an posibilidad han kadugangan nga mga kaso kontra ha anay presidente.
Sumala ha mga notisya, ginhangyo an detention warrant mahitungod ha possible nga pag-eskapo ni Yoon ngan an pagimpluwensiya ha mga witnesses.
Samtang igindiwara naman han kampo ni Yoon an tanan nga alegasyon ha iya.
