TACLOBAN CITY – Gin pailarom ha Shellfish ban an kadagatan han Zumarraga, Samar ngan Matarinao Bay nga nasakop han General MacArthur, Quinapondan, Hernani, ngan Salcedo ha Eastern Samar.
Sumala kan Bureau of Fisheries and Aquatic Resources Eastern Visayas Information Officer, Christine Gresola, ine in mahitungod nga nag-positibo ha red tide toxin o saxitoxin an mga sample nga unod nga nakolekta tikang ha nasabi nga mga kadagatan.
Karuyag sidngon, mahugot nga igindidire an panguha, pagkaon, ngan pagbaligya hin ngatanan nga klase hin pangti-on o shelfish ngan alamang o hipon tikang ha nasabi nga apektado nga kadagatan.
Samtang, nagpapabilin naman ha ilarom han local red tide warning an Cancabato Bay han Tacloban City ngan Irong-Irong Bay han Catbalogan City.
Nagpapabilin la gihapon nga positibo ha Pyrodinium bahamense an filtered seawater samples nga ginkolekta ha nasabi nga mga kadagatan.
Mahitungod hine in ginpailarom ha nasabi nga warning ine nga kadagatan kumo pag-ikamt agud maproteheran an ngatanan ha posible nga kadelikaduhan mga pwede maidurot han pagkaon hin pangti-on ngan alamang o hipon nga tikang ha apektado nga kadagatan.
Samtang, pwede naman ig konsumo an isda, pasayan, nu-os, ngan masag tikang ha duha nga kadagatan basta siguraduhon la nga presko ine ngan tatanggalan han ira mga laman-loob sugad han hasang ngan tina-e, ngan huhugasan hin maupay gamit an malimpyo nga tubig.
