TACLOBAN CITY – Ginpahimuwa han Department of Social Welfare and Development Eastern Visayas, an alegasyon nga mayda pira nga mga naapektaran hiton kalamidad nga dire natatagan hin bulig.
Una hine, han nakalabay nga bulan naka-ekperyensa hin sunod-sunod nga pagbabaha an pira nga parti han Eastern Visayas kun diin yinukot-yukot an naapektuhan kalakip na an mga parag-uma.
Pira nga mga apektado nga indibidwal ha Eastern Visayas an nahipausa kun kay anu pira ha ira in waray katagi hin bulig, ha kaluyo nga sandang man in naapektaran han nasabi nga kalamidad.
Subay kan Department of Social Welfare and Development Eastern Visayas, Regional Director, Grace Subong, nga subay ha ira emergency shelter assistance han buhatan, naka-karawat hin tag P10,000- P30,000 an mga partially- totally damage.
Ha kaluyo hine, nagin himangrawon an proseso han DSWD, gindepensaran ine hiton nasabi nga opisyal, kun diin subay ha iya in nag-hihimo nira an assestment agud nga matudlok kun hira hino an angay nga tagan hin bulig, kumpara ha mga may kapas nga makabakdaw tikang kalamidad.
Dugang pa ni Subong, ginhihimo nira hin insakto an paghahatag hin bulig subay na gihapon ha ira mandato nga trabaho.
Ha pagkayana, sadang naman an naka stand-by nga bulig han buhatan, ngan sugadman ha pira nga mga sangay hiton gobyerno.
