TACLOBAN CITY – Naglalaum an Department of Health (DOH) Regional Office 8 nga waray mahihipatik nga firecracker related incidents ha bug-os nga rehiyon kasumpay han selebrasyon han pasko ngan bag-o nga tuig, tubtob buwas nga adlaw, o an urhi nga adlaw han reporting period han ira buhatan.
Sumala kan Farida Mateo, tagapagyakan han DOH 8, tikang han Disyembre 21 tubtob yana nga adlaw in zero firecracker incidents la gihapon an bug-os nga rehiyon ngan naglalaum hira nga magpapadayon ini ngada buwas nga adlaw han katubtoban han ira reporting period han Iwas Paputok Campaign.
Ginkakalipay han DOH nga waray hira nakarawat nga mga reports tikang ha magkadirudilain nga lugar sugadman waray gihapon gindalagan nga mga biktima ha mga ospital ha rehiyon.
Nahibaruan nga naging mahugot an monitoring han mga otoridad ha rehiyon agud nga masiguro nga magiging mahimyang an selebrasyon han holiday season ha butnga han nagpapadayon nga COVID-19 pandemic.
