Ginpasakahan hin expulsion o dayon nga pagpapa-iwas hi Cavite 4th District Rep. Kiko Barzaga kumo miyembro han House of Representatives kasunod han rekomendasyon han House Committee on Ethics and Privileges.
265 an mga kongresista nga binmutos pabor ha expulsion kan Barzaga, 14 an komontra ngan 8 an nag-abstain.
Basar ha committee report number 298 nga ginbasa ha plenaryo, hi Barzaga in nagpakita hin dire maupay nga pamatasan, mga aksyon nga dire maupay kumo usa nga kongresista, kawaray propesyunalismo hini ngan pagtalapas ha Code of Conduct han Kamara.
An committe report in baton ha ginsumite nga ethics complaint kontra kan Barzaga ni Iloilo Rep. Janette Garin may paghisumpay ha pamatasan han Cavite Rep. nga nakakaapekto ha proceedings ngan trabaho han mga kongresista ha plenaryo han Kamara.
