NATIONAL NEWS- Ginpaangbit han mga manbaralaod ha Department of Information and Communications Technology ha usa nga hearing ha House Committee on Appropriations an ira pagkabaraka kasumpay ha padayon nga pagdamo han mga text scams ha nasud, ha kaluyo han ginpatuman nga SIM Registration Law.
Sumala kan Kabataan Party-list Representative Renee Co, bisan ha magkalain-lain nga platform sugad han Viber ngan Telegram, nakaka-karawat la gihapon hira hin text scams.
Ginpapakita la hine nga an problema in dire limitado ha mga tradisyunal nga SMS, magin ha iba pa nga mga online platforms nga gingagamit ha Pilipinas.
Dugang pa ni National Telecommunications Commission (NTC) Commissioner Ella Blanca Lopez usa ine nga ayat para ha ira an mga scams nga na-agi ha gintatawag nga OTT platforms (over-the-top applications) matungod nga dire ine diretso naagi ha telco networks.
