Iibanan han Thailand an visa-free stay period han mga turista, tikang ha 60 kaadlaw in hihimuon nga 30 kaadlaw para ha 93 nga nasud, subay ha foreign minister hini.
Sumala kan Foreign Minister Sihasak Phuangketkaeow, igsusumite pa ha gabinete an panukala agud opisyal nga maipatuman an pagbabag-o nga panuyo malikayan an kriminalidad ngan misuse han visa priviliges.
Tikang han Hulyo 2024, iginpatuman han Thailand an 60-day visa-free entry para ha mga turista tikang ha 93 nga nasud.
Kadungan hini, magdudumara gihapon an mga otoridad hin mas mahugot nga panginano ha magkadiru-dilain nga visa agud masigurado nga sakto an paggamit hini han mga nasulod ha nasud.
Panuyo han pitad nga pugngan an posible nga pag-abuso ha mas halaba nga pagpapabilin ngan pakiusa ha ilegal nga aktibidad.
Tikang han Enero kutob Mayo 10, 2026, umabot ha 12.4 milyon an foreign tourists ha Thailand, mas hamubo han 3.43% kumpara han nakalabay nga tuig.
