Utro nga nagkabatunay ha sesyon han Senado hira Senator Kiko Pangilinan ngan Senator Robinhood Padilla.
Mahunumduman nagkamay-ada hin tensyon ha butnga han duha nga senador mahuman nga bumaribad hi Padilla nga ginguliatan hiya ni Pangilinan ngan nagtarhog gihapon hi Padilla nga papasakahan hin ethics complaint hi Pangilinan.
Samtang mayda ginhihingadayan ha plenaryo in tigda nala nga nagsuspendi hin sesyon ni Senate President Pro-Tempore Loren Legarda ngan nakita nga ugsa mag-cut an video streaming in tigda nga nagkatukdaw ngan baga hin nagdadagmit an mga nakadto ha sesyon.
Sumala kan Acting Office of the Sergeant-At-Arms Mao Aplasca, nag-break an sesyon ngan pumakadto ha VIP lounge an duha nga magbabalaod nga posible nagkasapit ngan didto nagkabatunay.
Pagklaro ni Aplasca, waray naman nahitabo nga guliatay ha butnga nira Padilla ngan Pangilinan pero nagkamay-ada hin batunay ha butnga han duha nga magbabalaod.
Ha kaluyo hini, nahimo naman nga masaway an duha ugsa pa dumuro an sitwasyon.
