INTERNATIONAL – Nagtitika damo iton mga nasud nga nag-kondina ha ginhimo nga panmatay han Israel ha mga taga Gaza nga napila para kumuha hin pagkaon.
Nanguna an United Kingdom ngan 27 pa nga iba nga mga nasud kaapi na hine an Canada, Australia, Italy, France, Japan, New Zealand ngan Switzerland nga nanawagan hin madagmit nga pag-undang ha giyera ha Gaza.
Gintawag ni UK Foreign Secretary David Lammy nga diri makatawo an ginhimo han Israeli military ngan kasunod hine mahatag naman hiya hin sobra $46 milyon nga kantidad hin bulig.
Samtang, mahugot naman nga gindiwara han Israel nga target nira an mga sibilyan ha Gaza.
Kun manunumduman nga ginpahayag han Hamas-run health ministry ha Gaza nga sobra na ha 100 nga mga Palestinians an namatay tungod ha mga pag-atake han Israel samtang hira in napila para kumuha hin pagkaon ngan 19 naman an namatay tungod ha malnutrition.
