-- Advertisements --
TACLOBAN CITY – Naghuruhukal na an COVID-19 ward han Tacloban City Hospital mahuman an pira kasemana nga pagkapuno han mga igindadara nga mga pasyente.
Sumala kan Dra. Joedina Gumagay, Chief of Hospital Tacloban City Hospital, ha pagkayana in unom nala an mga pasyente ha mao nga ward ngan tanan han mga ini in mayda la mga mild symptoms.
Gintransfer manggud nira an iba nga mga pasyente nga mayda severe cases ha iba nga pasilidad matungod nga diri damo an maaakomodar han ira mga ward.
Dugang pa hini, diri hira nag aadmit hin mga severe nga kaso sanglit ginpanbalhin an iba ha mas haluag nga pasilidad.
