INTERNATIONAL – Iginpahayag han Brazil an gin-aariglar hini nga mga dokumento agud opisyal nga umapi ha kaso han South Africa kontra ha Israel ha International Court of Justice (ICJ) kasumpay ha gintutu-ohan nga genocide ha Gaza.
An nasabi nga kaso, nga iginsalawad han South Afrifa dida han tuig 2023, in nag-aakusar ha Israel ha pagtalapas ha 1948 Genocide Convention mahitungod ha mga pag-atake hini ha mga sibilyan ha Gaza ha butngaa han giyera kontra ha Hamas militants.
Subay ha reklamo, gintutu-ohan nga diri la mga miyembro han Hamas an target han Israel, kundi pati na gihapon an mga eskwelahan, ospital, kampo, ngan urukyan.
Samtang, umapi na gihapon ha kaso an pira nga nasod, sugad han Spain, Turkey, ngan Colombia.
Ha pahayag han Brazil, ginkokondinar hini an mga pagtalapas ha international law nga ginbubuhat han Israel, lakip na an pag-aangkon han mga teritoryo.
