TACLOBAN CITY– Nagtikang na dida han Hunyo 7 an biyahe han barge nga tikang ha Amandayehan Port – Tacloban port vice versa, kun diin ada ha 15 ngada ha 16 an akos nga igsakay han usa nga barge.
Sumala kan Department of Transportation Secretary Vince Dizon, first come, first serve basis an pagpapasakay han mga truck ha barge.
Ginlalauman naman nga ma-doble pa an ihap han mga mapila ha oras nga mahuman an ginhihimo nga ramp widening ha usa nga parte han port.
Dugang pa hine, ginlalauman gihapon nga ha maabot nga Myerkules in magbubutang hin mga boya an Philippine Coast Guard ugsa tugutan an mga barge nga makabiyahe hin 24 oras ha nasabi nga port.
Ha pagkayana, ada ha duha nga barge pala an gingagamit ha pagtabok han mga nakapila nga trucks pero ginlalauman nga madudugangan pa hine upat ha mga masunod nga adlaw.
