INTERNATIONAL–Umaro hin pasaylo an Microsoft co-founder Bill Gates ha mga trabahador han iya charity foundation mahitungod nga nahiupod an iya ngaran ha kontrobersyal nga Epstein Files, kun diin ginamin hine an iya extramarital affairs pero mahugot nga gindiwara an pagpartisipar ha mga krimen han namatay nga sex offender nga hi Jeffrey Epstein.
Ha usa nga town hall meeting upod an Gates Foundation staff, ginpahayag ni Gates nga usa nga dako ga sayop an iya pakipag-sumpayan ha disgraced financier tikang han 2011.
Gumawas kasi an ngaran han 70 anyos nga tech titan ha mga dokumento nga ginpagawas han US Justice Department.
Subay ha usa nga draft email tikang kan Epstein, ginakusar hine hi Gates han pakipagrelasyon ha duha ka babayi nga Ruso, nga ginkompirma naman han bilyonaryo.
Pero, gindepensa ni Gates an iya kalugaringon konrta ha mga illegal nga aktibidad.
Namatay naman hi Epstein sulod han iya selda ha New York han 2019 samtang ginhuhulat an trial ha kaso nga sex trafficking han mga menor de edad.
