INTERNATIONAL – Ginkondena han western allies han Ukraine an ginlunsar nga duha nga ballistic missle attack han Russia ha siyudad han Sumy ha Ukraine nga pumatay hin 34 katawo.
Kaupod ha mga napatay in 2 nga bata ngan nasamaran an 117 nga iba pa.
Umigo an 2 nga ballistic missiles han Russia ha sentro han Sumy nga binmuto hirani ha state university ngan congress center, nga nagbilin hin mga samara nga mga patay nga nagsarang ha kakarsadahan.
Gintawag ni US Sec. of State Marco Rubio an pag-atake han Russia kumo “horrifying” ngna nagpaabot hin pakikisubo ha mga pamilya han mga biktima ngan ginmalatuamt nga usa nga tragic reminder an nasabi nga pag-atake kun diin, naniningkamot yana an Trump administration nga maundang an giyera.
Samtang ginakusaran naman ni incoming Germany chancellor Friedrich Merz an Russia ha pagbubuhat hin war crime.
Ginbuhat han Russia an pag-atake ha butnga han pagduduso han Amerika, nga pinakamakusog nga military ally han Ukraine, agud mahuman na an giyera nga aada ha ikaupat nga tuig na, ha pamamaagi han pakikipag negosasyon ha Russia ngan Ukraine ha ilarum ni Trump.
