TACLOBAN CITY – Iginkaalarma han mga katawhan ha downtown area han Tacloban an usa nga urusahon nga bag nga ginbayaan ha karsada nga gintutuuhan nga may sulod nga bomba.
Sumala mismo han nagreport ha mga kapulisan nga hi Ricardo Dagil, kakulop pa nira nga nasipatan an mao nga itom nga bag nga ginbayaan ha atubangan han usa nga tindahan ha corner Del Pilar ngan Zamora St.
Tungod nga waray pa ini babalika han hin-o man nga tag-iya hini in ira nala ini ginreport ha mga kapulisan labi na nga nagdudurot na ini hin kabaraka ha mga katawhan.
Ha pagresponde han mga otoridad ginpasiradhan anay an parte han mao nga dalan ngan han panginanuon na an mao nga bag han bombo squad, mga bado la ngayan an sulod hini.
Ha pagkayana in gindara na han mga otoridad an mao nga bag ha ira buhatan para didto na kuhaon han hino man nga magki-claim nga tag-iya hini.
