MARIPIPI, BILIRAN – Nakatalaan nga bumisita ha ikatulo nga higayon an Australian cruise ship nga Coral Geographer ha bungto han Maripipi, Biliran yana nga bulan hiton Disyembre 2025.
Sumala kan Maripipi, Biliran Mayor Joseph Canonoy Caingcoy, ngangandaman na hira ha pag-abot han nasabi nga mga bisita tikang ha magkaduru-dilain nga nasud nga sakay han nasabi nga cruise ship.
Usa ha mga goal hine nga mahimo in maipakita an kahusay han turismo han bungto han Maripipi.
Nakatalaan naman nga bisitahon han mga turista an duha nga barangay han bungto—an Brgy. Agutay ngan Casibang.
Ha Brgy. Agutay in igpapakita ha mga turista an tradisyon han bungto nga paghimo o proseso han pag-weave o pag-lara gamit an nito vine.
Kahuman ha nasabi nga barangay in madiretso naman an mga turista ha Brgy. Casibang, kun diin igpapakita an proseso han pottery making o paghimo hin mga kaldero o biso gamit an clay.
Labot la ha nasabi nga mga aktibidad in igpapakita gihapon han bungto an magkaduru-dilain nga mga pagkaon nga iginbibida han nasabi nga lugar.
Ada naman ha 82 ngada ha 85 nga turista an ginlalauman nga ship para makiusa ha mga aktibidad.
