-- Advertisements --
TACLOBAN CITY – Arestado an anay sundalo ha gindumara nga buy-bust operation han PDEA ha Brgy. Pawing Palo, Leyte.
Sumala han PDEA, ginkilala an suspek nga hi Disocoro Montuya, enlisted personnel han Armed Forces of the Philippines, 38 anyos, usa nga driver ngan residente ha nasabi nga lugar.
Arestado gihapon an iya kaupod nga hi Basilio Atrihenyo, 53 anyos, waray asawa, usa gihap nga drayber ngan residente ha pareho nga barangay.
Napalit tikang ha mga suspek an 2 ka sachet hiton gin aaligar illegal nga droga nga nagkakantidad P1000.00
Naatubang hi Montuya ngan Atrihenyo ha kaso nga pagtalapas han RA9165.
Samtang, nakapaslak an duha nga suspek ha PDEA Dention Facility.
