TACLOBAN CITY –Ginkalipay han Barugo Mayor Dr. Aron Balais an pag-abre han Barugo Bayview College kun diin nagtikang na an klase han Information Technology dida han ika 1 han Disyembre.
Ginmalatumat ni Balais nga padayon gihapon an kurso nga Bachelor of Science in Nursing kun diin mayada na naka-standby nga pasilidad ngan may pondo ine nga P2.5-M para ha renobasyon.
Dugang pa hiton alkalde, ginpili nira nga trabahuon an kurso nga nursing para pahaluagon pa an oportunidad han mga naikaskwela kumpara ha mga education courses nga na-obserbaran niya nga gutiay an demand.
Samtang, igsusunod naman nira an Bachelor of Science in Special Education kun diin kumpleto na an mga dokumento para hini ngan for inspection nala an kinahanglan.
Nagpasalamat naman hi Mayor Balais ha padayon nga suporta han mga Barugonon.
