INTERNATIONAL–Umabot na ha 28 an naawat hin kinabuhi, lakip hiton mga bata ngan kababayin-an, ha Israeli air strikes han Sabado ha Gaza, sumala ha local nga civil defense agency.
Ginpahayag han military han Israel nga an pag atake in tugon ha ginaalegar nga pagtalapas han Hamas ha ceasefire.
Sumala ha civil defense agency, nga nagre-representa ha Hamas, nga kalakip ha mga narekober nga lawas in tikang ha usa nga lagas, upat nga babayi nga pulis, ngan pira ka sibilyan.
Kadungan hini, usa npa nga Israeli air strike an nakatama ha usa nga shelter ha Al-Mawasi, timog Gaza, kun diin naukjoy an yinukot yukot nga displaced nga kapamilya ha mga tent nagn improvised shelter.
Sumala ha military ha ISrael, an air strikes in usa pitad in pangato mahuman han insidente han Biyernes kun diin gumawas tikng ha usa nga tunnel banda ha timog han Gaza an 8 ka Pelestinian fighters, nag gintudlok han Israel kumo pagtalapas ha fragile ceasefire.
Dugang pa hini, gintarget nira an 4 ka commanders ngan an ginaalegar nga bag-o nag terorista tikang ha Hamas ngan Islamic Jihad ha Gaza Strip.
Samtang, ginmalatumat ni Munir al-Barsh, general director han health ministry han gaza, nga padayon an Ipagtatalapas han Israel ha ceasefire.
Mababaruan naman nga tikang han Hamas attack ha Israel han ika 7 han Oktubre 2024, nga ginkamatay hin 1,221 katawo.
An duha ka tuig nag gyuera in nagbilin hin sobra 71,769 nga patay ha Gaza, sumala ha health ministry.
