TACLOBAN CITY- Guinlalauman han Philippine Coastguard nga maabot buwas nga adlaw an representante han Indonesian Embassy para tapuon an duha nga Indonesian national nga narescue ha kadagatan ngan guindara ha Sinirangan Bisayas.
Sumala kan Lt. Johonsan A. Fabilane, PCG Acting station commander han coast guard station Tacloban nga nakipagsumpayan na ini ha Indonesian Embassy para kuhaon an duduha nga parapangisda nga narescue ha Sinirangan nga parte han Davao Oriental.
Una hini in naitalwas an duha nga parapangisda nga Indonesian dida han nasipatan ini nga nagpaanod-anod nala
an ira bangka hin haros duha ka bulan mahitungod nga naabutan ini han karaot han panahon.
Guinkilala an duduha nga hira Madehmamahit ngan Maitum Niculas, pareho nga ada ha legal nga pangidaron.
Dugang pa ni Fabelani nga maupay na an kamutangan ha panlawas han mga ini ha pagkayana mahuman nga guindalagan ha Eastern Visayas Regional Medical Center (EVRMC) para ha eksakto nga medikasyon.
