TACLOBAN CITY–Ginlalauman hiton pira nga mga negosyane nga makakatabok na ha San Juanico Bridge an 12-15 tons capacity ha maabot nga Disyembre 15, 2025.
Ginmalatumat ni Eugene Tan, Presidente han Philippine Chamber of Commerce and Industry, kumo negosyante hiton syudad, dire la gihapon matatawag nga full capacity an ginbaban-bana nga 12-15 tons matungod nga an mga 6 wheeler trucks pala an makakatabok ha nasabi nga tulay.
Dugang pa hine, an matatabo la gihapon kinahanglan igbalhin an mga gamit o produkto nga nakasakay ha mga 10 wheeler truck pakadto ha 6 wheeler truck agud nga makatabok ine, nga usa naman ha nagigin rason kun kay-anu nadudugay ngan nalalangan an mga produkto.
Ginpaangbit pa ni Tan, nga matungod han limitasyon han San Juanico Bridge, nawara an pagkasentro han ekonomiya han Tacloban.
Mababaruan naman nga nagpadara na hira hin sura ha Chamber, nga naghahangyo nga igpadayon la anay an libreng sakay, pero subay ha Office of the Civil Defense, nga limitado la an pondo hine kutob ha katapusan hiton tuig.
