TACLOBAN CITY- Maabot na ha 1.8M nga indibidwal an nakapagparehistro na ha Sinirangan Bisayas hiton Yakap Program han PhilHealth.
Ini in subay han mando ni Pangulo Ferdinand Marcos Jr. nga pakusgon an serbisyo medikal para han mga Pilipino.
An Yaman ng Kalusugan Programa in nagsasakop hin 70 nga mga kinahanglan nga medisina, kun diin naglalakip ine hin mga pagtambal para han asthma, diabetes, high blood pressure, sakit ha kasing-kasing ngan iba pa.
Sumala kan Miramar P. Zabala – Head of Public Affairs Unit PhilHealth Region 8, maabot hin 20 thousand an pwede magamit han kada indibidwal nga membro han Philihealth o YAKAP nga programa.
Kinahanglan la han mga ine nga magparehestro kumo PhilHealth Member’s ha programa han Yakap gamit an eGov.ph nga ginlunsar han gobyerno, ngan kahuman mapili an mga ine hin mga akridetado nga PhilHealth Partners.
Ha Sinirangan Bisayas, mayda maabot 217 nga mga pasilidad panlawas nga akreditado han PhiliHealth ha programa han YAKAP.
Ada ha 10 an probinsya han Biliran, 36 ha Samar, 34 ha Eastern Samar, 80 ha Leyte, 25 ha Southern Leyte ngan 32 ha probinsya han Northern Samar. (via Bombo Jake Paguipo)
