TACLOBAN CITY – Waray Shellfish Ban nga ginpatuman ha Sinirangan Bisayas pero gin-isa an Local Red Tide Warnings ha pira nga kabaybayunan ha rehiyon – ha Irong-Irong Bay ha Catbalogan City, Matarinao Bay ha Eastern Samar nga nasakop han General MacArthur, Quinapondan, Hernani, ngan Salcedo, ngan coastal waters han Guiuan, Eastern Samar.
Sumala kan Christine Gresola, Information Officer hiton Bureau of Fisheries and Aquatic Resources (BFAR) Regional Office 8, nag positibo ha Pyrodinium bahamense o usa nga toxic nga microorganism nga nakakag-kawsa hin Paralytic Shellfish Poisoning (PSP) o an gintatawag nga red tide an seawater sample nga ira nakolekta.
Gin aabisuhan naman an publiko nga likayan an panguha, pagdara, ngan pagkaon han ngatanan nga klase hin pangti-on ngan alamang tikang ha mga nasabi nga lugar.
Para han seguridad han publiko, gin isa an local red tide warning ha nasabi nga mga baybayon.
Samtang, talwas naman an pagkaon han isda, pusit, pasayan, ngan masag tikang ha mga nasabi nga baybayon basta hugasan hin maupay ngan tanggalon an mga laman-loob hine sugad han hasang ugsa luton.
