inaghat ni Sen. Kiko Pangilinan an mga ahensya han gobyerno nga igandam na an mga suplay han relief ngan magpatuman han mga pitad nga makakabulig agud maibanan an epekto han Super El Nino.
Ginmalatumat ni Pangilinan, Chairman han Senate Committee on Agriculture, Food, and Agrarian Reform, nga maaram naman an mga ahensya nga paulpot na an El Nino sanglit maupay kun masolusyonan an epekto han sobra nga katsirak kaysa ha kaurhian in magtudlokay ngan magsayopay mahitungod nga dako na an problema.
Ginpraprayoridad han senador ha gobyerno nga matagan hin bulig an mga low-income families, farmers, fisherfolk, agricultural workers ngan iba pa nga kaupod ha vulnerable sectors.
Ginduduso gihapon han senador an eight-point action plan kun diin ginpapag-gios an Department of Agriculture (DA), Department of Social Welfare and Development (DSWD), Department of Health (DOH), Department of the Interior and Local Government (DILG), Office of Civil Defense (OCD) ngan mga LGUs nga makipagsumpayan ha pangandaman ngan pagpapatuman han local readiness plans.
