Ginamin ni Lanao del Sur 1st District Rep. Zia Alonto Adiong nga dire na hiya naglalaum nga personal nga maatender hi Vice President Sara Duterte ha iya impeachment trial ha Senado agud ig-eksplikar an mga alegasyon han unexplained wealth.
Sumala kan Adiong, dire la gihapon nagpapakita hin indikasyon an bise presidente nga karuyag hini batunon ha impeachment court an mga kwestyon ha iya karikohan.
Nauna na nga ginatubang han prosekusyon hi forensic analyst Alexander Cabrera, nga nagtutudlok ha P817.87 milyon nga waray gindeklara nga assets ngan unexplained wealth nga may paghisumpay kan Duterte ngan ha iya asawa nga hi Atty. Manases “Mans” Carpio tikang 2022 kutob 2026. Basar an pangita ha mga bank records, tax returns, declarations of assets ngan corporate documents.
Ginbaribaran naman ni Duterte an tanan nga alegasyon, samtang ginkuwekuwestyon naman han iya abogado an ebidensya nga pinansyal han prosekusyon. Nakatalaan naman nga magpadayon an trial ha Nobyembre 9, kun diin titikangan han depensa an pagprepresenta han mga kontra-ebidensya ha Article II nga nabibilin ha impeachment complaint.
