Ginduon han partido ni Israeli Prime Minister Benjamin Netanyahu nga “ginkawat” han mga partido han Arabo, nga gina-alegar mayda bulig tikang ha iba pa nga langyawanon an eleksyon ha Israel, mahitungod ha hurob-hurob nga pirde ha pinal nga resulta an mayorya han parlyamento an Netanyahu bloc,
Ginakusaran han oposisyon hi Netanyahu han pagmamalain ha imahe han mga Arabo mahuman makaghipatik hin makasaysayan nga resulta an mga partido nga ginmamanguloan han mga Arabo nga molupyo.
Sumala ha oposisyon, panuyuan hini kwestyonun an pagigin lehitimo han mga resulta han piniliay. Kun makikipag-alyansa an iba pa nga partido han opisisyon ha mga partido han Arabo, nga usa nga politikal ngan delekado nga pitad, posible hira makabug-os hin mayorya nga gobyerno ha Knesset o ha parlamento han Israel.
Padayon naman nga nagpapasarang an partido ni Netanyahu nga Likud hin mga alegasyon han iregularidad kontra ha mga partido nga ginmamanguloan han mga Arabo tikang han ginpresenta han mga exit poll nga naka-eksperyensiya hin pagkapirde ha suporta ha publiko hi Netanyahu dida han piniliay ha Martes.
