Dire ginbubul-iwan an posibilidad han pagsurender ni Sen Ronald “Bato” Dela Rosa ni Atty. Israelito Torreon kun igsusumite an kaso kontra ha iya ha lokal nga korte han Pilipinas.
Ha usa nga pahayag, napakiana ha legal counsel ni Sen. Bato kun posible ba nga makagawas o sumurender hi Sen. Bato, labi na nga lumahos na an ultimatum nga ginpagawas han Philippine National Police para ha iya pagsurender, sumala hini nga an senador la an makakagdesisyon kun magawas hiya.
Napakianhan gihapon an abogado kun magawas ba an senador kun mag-isyu an Supreme Court hin temporary restraining order kasumpay ha iya warrant of arrest nga siyahan na nga ginpagawas han International Criminal Court.
Baton naman ni Torreon nga hi Sen. Bato la gihapon an makakagdesisyon hini, pero nagpapabilin an posibilidad nga magawas hiya kun magdedesisyon na an Korte Suprema.
Samtang, gineksplikar han abogado nga nadire hi Sen. Bato nga magbaga-baga hin “manok” nga dadakpon nala ngan igpapadara ha The Hague hin dire ginpapaagi ha mga lokal nga korte han nasud.
