Nakatalaan kanselahon han Vietnam an damo nga flights ti-pa Pilipinas ha maabot nga bulan han Mayo ha butnga han hitaas nga presyo han lana.
An mao nga kahimtangan in nakikita nga magpapahinay ha air connectivity o kakayahan han mga paluparan ngan airlines na pagsumpayon an iba-iba nga destinasyon ha usa nga fastest-growing Southeast Asian corridors.
Ha igin pagawas nga abiso, igin anunsiyo han Vietnam Airlines an suspensiyon han dose-dosena nga flights tikang Manila ngan Cebu tipakadto ha Vietnam, kasumpay han pagtatalinguha han carrier nga mapabilin an kamabakod han suplay han lana ha panahon han paghitaas han presyo hini.
Partikular nga kakanselahon han airline company an Cebu-Hanoi flights tikang Mayo 12 kutob 15 sugad man tikang Mayo 19 ngan 20.
Labot la hini, sususpendihon gihapon han Vietnam Airlines an scheduled flights ha butnga han Manila ngan Ho Chi Minh ha Mayo 6 kutob 8, 12 – 14, 20 – 22 ngan Mayo 26 – 27.
Paparaon gihap han carrier ha calendar hini an pira nga flights ha butnga han Manila ngan Hanoi tikang Mayo 5, 12, 15, 22, 26 ngan 29.
