TACLOBAN CITY – Pakyas nga makarekober hin bisan ano an Kapulisan ha San Isidro ngan Philippine Army kaupod an pwersa han National Bureau of Investigation (NBI) hin anuman nga ebidensya ha panimalay ni Emmanuel Veloso, o an bugto han Tigsiring nga pagka mayor ha lugar han San Isidro.
Ini in mahuman nga maalegar an mao nga Veloso nga daw responsable han pagpatay han Municipal administator han San Isidro nga hi Levi Mabini 5 ka adlaw ugsa an piniliay ha Barangay Capiñahan han mao nga bungto.
Subay ha report han mga Kapulisan, nga ira ginkadto an panimalay ni Emmanuel tungod nga mayda daw witness nga nagyakan nga nagtipakadto ha ira rest house an sarakyan nga Ford Ranger nga gray nga gingamit han mga suspek nga nagpusil-patay kan Mabini.
Bumaribad naman an Kapulisan ha San Isidro PNP nga maghatag hin anuman nga impormasyon tungod nga an NBI daw an nakapot han mao nga kaso.
Mababaruan nga humagos hin pira anay ka oras ugsa nga nahuman an search operation.
Ha pakighimangraw han Bombo Radyo Tacloban tikang kan Emmanuel Veloso, bugto han tigsiring pagka alkalde han San Isidro nga hi Remedio “Bebot” Veloso, nga nahipausa hira kun kay ano nga ginkadto daw an ira balay hin mga otoridad.
Sumala hini nga dida han tigawas na hira ha ira compound agud nga magdumara hin meeting ha ira mga kandidato in nahipausa nala an mga ini nga mayda mga police nga nagbalabag han ira gate ngan waray an mga ini pagawsa.
Nagtesting daw an mga ini nga sumulod han mao nga rest house bisan waray bitbit nga search warrant nga nagkokonektar ha ira ha crime scene.
Pero bisan nga waray search warrant in nagpumirit la gihapon an mga ini nga sumulod ha compound.
Waray naman daw nahimo an ira kampo tungod han kahadlok han bitbit han mga ini nga mga highpowered fire arms.
“My lawyer was looking for search warrant, but they have nothing. They only have guns, armies, local police, mobile force police plus the NBI so I don’t have any choice so I let them come in. So pumasok sila even if they have search warrant.. I let them come in and show it to them and they search for nothing”, sumala kan Emmanuel Veloso
Pero sumala kan Emmanuel, nga mahuman an pira ka oras nga search in pakyas naman an NBI, PNP ngan AFP nga may marecover hin bisan ano ha resthouse han mga Veloso nga magtutudlok ha ira komo primary suspect.
Waray naman hini mapugngi nga masubo tungod nga alagid agid nga hira layun an gintahapan nga suspek.
“Ang nangyari parang martial law ba, na you are being condemn na wala pang basis. So mayroon naman akong right yun lang ang kinukwestyun ko. I feel harrased”, dugang ni Veloso
Mahihinumduman nga dida laliwat han nakalabay nga Mayo 2 han pamumusilon an sarakyan ni Emmanuel Veloso mahuman an ira pagtambong ha misa han iglesia ni cristo.
Gintutuuhan nga kalaban nira ha pulitika an responsable ha pan aambush.
