METRO MANILA – Gindiwara han Malakanyang nga last minute an pag-apruba ha travel authority ni Vice President Sara Duterte.
Ini an eksplikar han Palasyo kun kay-ano gintugutan han Office of the President an mga biyahe ni VP Sara.
Sumala kan Palace Press Officer Claire Castro, gintugutan an bise kutob waray balakid ngan waray rekord an Palasyo nga ginbaribadan an bisan ano nga personal nga biyahe han bise presidente.
Basar ha records, dida han Abril 14 pa nagsumite hin request hi VP Sara ngan kadara-san usa ka-adlaw ugsa an nakatalaan nga pag-lakat ginhahatag an travel clearance.
Pagklaro pa ni Castro, maabot la ha lima nga working days an normal nga pagproseso han travel request ngan kadaras-an ginpapadagmit an pag-apruba labi na kun tikang ha Office of the Vice President an nahangyo.
