Samtang busy ha mobile games an kadam-an ha mga kaedad niya nga 14-anyos, usa nga istudyante ha China an ginamit an iya oras ha pagbug-os hin makina hin turbojet.
Dire komon nga bata hi Che Jingang. Nagtikang an iya interes ha aeronautics didas han kindergarten han magin curious hiya kun kay-ano ngan patiunan-o nalupad an mga eroplano nga papel. Pag-abot niya ha grade three, an gin aadman na hini in calculus, aerodynamics, ngan circuitry.
Imbes nga kopyahon la an mga libre nga blueprints nga nagsasarang internet, ginkaruyag ni Che nga igdisenyo an kada pyesa tikang ha katikangan. Dinhi na mas dumako an iya ambisyon nga lahusan an pagpilo la han papel ngan bumug-os hin tinuod nga makinarya.
An proyekto ni Che in dire usa nga simple nga mulayan, kundi usa nga tinuod nga miniature jet engine. Bisan man ginpa-guti ngan die akos magpalupad hin komersyal nga eroplano, usa ini nga tinuod nga makina nga kompleto ha combustion chamber, compressor, ngan fuel system.
An mismo nga operasyon hini in subay ha tinuod nga physics ngan aerodynamics, sanglit nagana ini hin kaparehas han mga lifesize jet.
