Humitaas an hin upat ka-porsyento an presyo han lana dida han Hwebes mahuman nga igduon han Iran nga dire hini aabrihan an Strait of Hormuz samtang mayda naval blockade an Estados Unidos, bisan mayda nagpapadayon nga ceasefire.
Banda 0025 GMT, sumaka hin 4.06% an US oil benchmark nga West Texas Intermediate (WTI) ha $96.73 kada bariles. Samtang an international benchmark nga Brent North Sea crude in humitaas hin 3.62% ha $105.63, ugsa umubos makalabay an pira kaminutos.
Padayon nga naghihinitaas an presyo han lana tikang han umatake an Israel ngan Estados Unidos ha Iran dida han Pebrero 28, samtang nagpapabilin an pagkabaraka kun utro nga mabuto an kasamok.
Ginmalatumat gihapon ni US President Donald Trump dida han Martes nga igpapabilin an ceasefire agud tagan hin mas damo nga oras an peacetalks nga ginpapangunahan han Pakistan.
