Balik na ha trono an Creamline Cool Smashers mahuman an duha katuig.
Gin angkon han Creamline an ika-11 nga korona tikang ha 25-23, 22-25, 25-16, 16-25, 15-11 nga kadaugan ha Cignal ha Game Two han 2026 Premier Volleyball League (PVL) All-Filipino Conference Finals ha atubangan han 17,360 fans dida han nakalabay nga adlaw ha Smart Araneta Coliseum.
Gin kompleto han Cool Smashers an 2-0 sweep ha ira best-of-three championships series han Super Spikers.
Utro nga ginbanderahan nira Bernadeth Pons ngan Jema Galanza an opensa han tropa ni coach Sherwin Meneses samtang an mga krusyal nga blangka nira Tots Carlos ngan Pangs Panaga ha fifth set an nagin susi ha ira daog.
Syahan na nga gin perdi han Cream an Cignal ha Game One ha iskor nga 25-22, 25-18, 25-16, dida han Martes.
Ini an syahan nga kampeonato han Cool Smashers mahuman nga mag-reyna dida han 2024 PVL Invitationals kun diin gin iskapuhan hini an Super Spikers ha iskor nga 3-2 agud makab-ot an korona.
