Nagpahimatngon hi Gregorio San Diego, Chairman emeritus han Philippine Egg Board Association (PEBA) ngan Chairman emeritus han United Broiler Raisers Association (UBRA), nga dire makakaupay ha mga gudti ngan lokal nga naghahayupan hin manok kun igpapaubos pa an presente nga 40% nga taripa ha imported chicken.
Sumala kan San Diego, duro na hin kahamubo han farmgate price han manok ha presente nga ada na ha P90 kada kilo, sanglit waray rason agud igpaubos pa an taripa.
Duon pa hini, mas makakatagamtam la an mga nagbabaligya hin imported nga manok, samtang mas malulugi naman an mga lokal nga raisers.
Ha yana nga mayda nae-eksperyensyahan nga krisis, kinahanglan in buligan an sektor nga nabuhi ha nasud, samtang gin aalalayan an mga direkta nga apektado han masamok nga sitwasyon han mga mananarabaho ngan negosyante.
