-- Advertisements --
METRO MANILA – Gindiwara han Department of Trade and Industry an pagkabaraka han publiko nga may paghitaas ha presyo han sardinas ha merkado.
Sumala kan DTI Sec. Cristina Roque, waray kamatuoran an nagsasarang nga spekulasyon kasumpay ha price increase.
Una hini, gumawas an notisya nga ginhangyo han Southern Philippines Deep Sea Fishing Association an paghitaas han presyo han 155-gram nga lata han sardinas tikang P15 kutob P31.
Sugadman, ginklaro han DTI nga waray pa opisyal nga paghisgot o hangyo tikang ha bisan ano nga canning company. Nakatalaan pa la an pagharampang han ahensya ha mga manufacturer ha maulpot nga weekend.
