WASHINGTON, D.C., – Mabisita hi US Secretary of State Marco Rubio ha Hungary ngan Slovakia ha masunod nga semana, sumala ha State Department, mahuman nga suportaran ni President Donald Trump an right-wing leader han Hungary nga hi Viktor Orban ugsa an eleksyon ha Abril.
Sumala ha State Department, makikipagharampang hi Rubio ha mga pangunahon nga opisyal han Hungary agud pakusgon an bilateral ngan rehiyonal nga interes, kaupod an US-Hungary energy partnership ngan suporta ha peace processes ha pankalibutan nga lebel.
Hi Orban in ginkilala ha harani nga relasyon kan Russian President Vladimir Putin ngan masukot nga bumaribad ha EU initiatives agud suportartan an Ukraine. Bisan man ginsusuportaran hiya ni Trump kumo “true friend, fighter, and WINNER,” naatubang hi Orban ha grabe nga ayat para ha iya ikalima nga termino ha Abril, sumala ha mga pag-aram.
Kaupod hini, mabisita gihapon hi Rubio ha Slovakia, nga ginmamangulohan ni Prime Minister Robert Fico, nga nakabiling gihapon hin pagkakaparehas kan Trump.
Samtang, hi Rubio an napili nga magrerepresta naman ha US ha Munich Security Conference yana nga tuig.
