NATIONAL–Gin anunsyo han US Embassy ha Manila nga dire na regular nga mag-u-update an ira online platforms mahitungod ha “lapse in appropriations” ha pondo han gobeyrno han Estados Unidos mahitungod ha partial shutdown, labot nala ha mga importante nga impormasyon kasumpay ha katalwasan ngan seguridad.
Sumala ha embahada, mauundang anay an mga normal nga advisories, pahayag ngan iba nga social media posts hasat nga dire bumalik ha normal an operasyon.
Pero, ginduon han embahada nga magpapdayon an mga naka-iskedyul nga Visa interviews nagns erbisyo para ha mga American Citizen ha Pilipinas ha naka-iskedyul nga oras bisan nga mayada delay ha pondo.
An Visa Application Center ha Paranaque in mabibilin nga abri para ha mga aplikante para ha photo ngan fingerprint collection.
Para ha mga concern ha Visa, gin-aaghat an mga aplikante nga makig-koordinar ha Consular Section o bisitahon an opisayl nga website han embahada para ha updates.
Mababaruan nga nagresulta an partial shutdown han gobyerno han US mahitungod ha diri pagkauruyon han mga mambaralaod ha pag-aprubar han pondo labi na kasumpay ha immigration ngan border security spending.
