Posibe nga sobra katunga han mga membro han Kamara de Representantes an bumutos nga pabor ha impeachment ni Vice President Sara Duterte, sumala kan House Deputy Speaker Janette Garin.
Sumala ha Kongresista, kun mahitatabo ini in malahos ha kinahanglan nga 106 nga botos han Kamara agud maisalawad an impeachment complaint ha Senado para ha pagdungog.
Ginmalatumat gihapon ni Garin nga ha ilarom han Lakas-CMD, mayda sobra 80 nga membro na ini ha Kamara, posible nga 2/3 an masuporta ha impeachment subay ha ebidensya nga iginlatag ha mga pagdungog.
Sugadman, gintagan-duon hini nga mayda pira nga magbabalaod nga posible nga maimpluwensyahan han pulitika ngan kabutang han ira distritio, labi na ha Mindanao.
Punto pa ni Garin, waray magigin uusa nga party stand an Lakas-CMD ngan papabay-an an mga membro hini nga bumutos subay ha ira konsensya.
Samtang, ginmalatumat naman ni Bicol Saro Party-list Rep. Terry Ridon nga ginlalauman niya nga sobra katunga gihapon han party list representative an masuporta ha impeachment complaint.
