Gin anunsyo han Department of Migrant Workers (DMW) an pag-aabri han panibag-o han batch han financial assistance para ha overseas Filipino workers (OFWs) nga naapektaran han krisis ha Middle East, partikular ha Dubai ngan Northern Emirates.
Subay ha DMW, utro nga gin abrihan an aplikasyon para ha one-time financial aid dida han Biyernes, kun diin 1,000 slot an dayun nga napuno. Sugadman, ginsigurado han ahensya nga mag-aabri utro an panibag-o nga slots ha Martes, alas-8 han agas.
Igin eksplikar han Migrant Workers Office (MWO) ha Dubai nga igpapagawas an aplikasyon ha upat nga batch kada Martes ngan Biyernes ha sulod han duha kasemana agud magin mas hapsay ngan accessible an proseso.
Agud makag-apply, kinahanglan la an mga masunod: Request for Assistance (RFA) form, Passport bio page, Emirates ID, pamatuod han overseas employment, ngan pamatuod han work disruption.
Gintagan-duon han MWO Dubai nga usa ka-beses la dapat mag-apply an kada aplikante, mahitungod an pagsusumit han multiple applications in magreresulta ha otomatiko nga diskwalipikasyon.
Makakakarawat an mga kwalipikado nga aplikante hin bulig-pinansyal nga nagkakantidad hin USD $200 o kaparehas han sobra P12,000, nga igpapadara pinaagi han remittance o kukuhaon ha mga sangay nga Al Ansari Exchange ha bug-os nga United Arab Emirates.
