Posible nga humitaas pa an inflation nga mahipapatik ha Abril.
Subay ha Bangko Sentral ng Pilipinas (BSP), ginlalauman nga maabot ha 5.6 ngada ha 6.4 percent an inflation o kadagmit han pagmahal han papliton ngan serbisyon ha nasud ha bulan han Abril.
Mas hitaas ini kumpara ha 4.1% nga nahipatik dida han Marso ngan 1.4% naman dida han Abril 2025.
Ginmalatumat han BSP nga epekto ini han mga serye han paghitaas han papliton partikular an produkto nga petrolyo.
Nakaapekto gihapon an pagmahal han bugas, isda, karne, sukot ha kuryente, ngan paghinay han kabalyo han piso.
Ha kaluyo hini, ginlalauman gihapon nga makakabulig hin gutiay ha paghuphop han inflation an paghamubo han presyo han utanon ngan prutas.
Subay ha BSP, padayon nga ginbabantayan an mga datos ngan an sitwasyon ha Middle East ha epekto hini ha inflation ngan ekonomiya ha nasud.
