NATIONAL NEWS– Nakikit-an nga problema yana an ginpla-plano nga pag-amyenda ha rules of procedure ha impeachment proceedings han House of Representatives an dire pa nareresolba nga syahan nga impeachment complaint kontra kan Vice President Sara Duterte, subay ha usa nga nagserbi han House Impeachment Prosecutor.
Gin-esplikar ni Bukidnon 2nd District Representative Atty. Jonathan Keith Flores nakabinbin la gihapon an kaso ha Korte Suprema sugadman an motion for reconsideration, nga naghahangyo para bawion o baliktaron an desisyon han Korte ha nasabi nga pagtalapas hiton Konstitusyon an impeachment complaint kontra kan Bise Presidente.
Dugang pa hine, angay nga magpagawas na an Korte Suprema hin desisyon ha dagmit nga panahon agud nga makagpag desisyon an Kongreso kun rerepasuhon o dire an impeachment rules.
Naghatag naman ine hin ideya ha mga posible nga rebisyon ha impeachment rules han Kamara alinsunod ha nagin ruling han Korte Suprema, kalakip na an paghahatag hin due process ha gin-iimpeach nga opisyal ngan paghahatag hin kopiya hiton articles of impeachment nga may supporting evidence para ha tanan nga House members ugsa ine nga ma-transmit ha Senado.
