Nakalimtan daw ni Senator Rodante Marcoleta nga igdiwara an gin-aaro nga allocables ha Department of Public Works and Highways (DPWH).
Ha post ni Lacson ha iya social media account, ginmalatumat hini nga dire naman lantaran nga igindiwara ni Marcoleta an P500 million allocables para ha mga proyekto nga pan-imprastraktura nga gin aro han nasabi nga ahensya.
Para kan Lacson, nag-aringasa la hi Marcoleta pero waray naman ini pagklaro nga ginbuhat.
Dida la han Martes, in naghatag hin privilege speech hi Lacson kasumpay ha mga ebidensya ngan rekomendasyon han Blue Ribbon Committee kasumpay ha flood control scam.
Ha presentasyon han senador in makikita ha slide an usa nga handwritten note ni anay DPWH Undersecretary Maria Catalina Cabral kun diin mayda P500 million nga hangyo nga allocables hi Marcoleta ha ahensya.
Mahuman ini dayun gihapon nga nag-privilege speech hi Marcoleta agud baribahan an paglakip ni Lacson ha iya ngaran ha presentasyon han flood control anomalies pero waray hini panhimuwaa an alegasyon.
Gin klaro naman ni Lacson nga dire maraot an allocables ngan magkakamay-ada la hin pag-iimbestiga kun mayda korapsyon ha paggamit han pondo.
